رمضان كريم

كل سنة وكل الناس الطيبين اللى عرفتهم من هنا بخير ، كل سنه واحنا لسه بنفتكر بعض ببوست حلو ولا مناسبة جمعتنا ، وكل رمضان واحنا لسه مجتمعين وزى ما احنا طيبين ولسه بردوا مدونين على قد الحال .

بيتى هنا وحشنى جداً ، كتابات الناس اللى بزورهم إفتقدتها ، بدخل بقالى فترة أشوف التراب مخيم هنا وأقول امتى أرجع تانى ، مناسبات وأحداث كتير عدت علينا وانا مش هنا .

أعتبرونى كنت مسافرة مكان بعيد وبلد غريبة متمناش إنى أروحها تانى أبداً .. و الحمد لله أنارجعت منها .

ربنا يحلى كل ايامنا وكل رمضان يعدى علينا نبقى أسعد وأنجح وعلى طاعه ربنا أدوم ، وأنا رمضان السنه دى مختلف جداً بالنسبه لى وهشكر ربنا فيه على حاجات كتير ..

          رمضان كريم علينا :)