مخنوقة جداً ومتدايقة من كل حاجة ،مش عايزة أشوف حد ولا أتكلم مع حد ولا أسمع صوت حد .. ولا حد يقولى مالك ؟؟ لإنه مفيش حاجة مزعلانى على قد ما مفيش حاجة مفرحانى ..
دايماً لما بكون مبسوطة بقلق وأقول يارب خير وبتكون الفرحة مرتبطة دايماً بمشكلة جايه بعدها على أساس إنك بتاخد حتة من الدنيا بفرحتك .. ومفروض عليك إنك تردها لها تانى من أعصابك وراحه بالك وضحكتك فى المستقبل على رأيى المثل "إحيينى إنهاردة وموتنى بكرة "..
إنما لما بنزعل بيكون طبيعى جداً ودة العادى والله ينور مرتبطين بكل وسائل النكد من عياط ولويه بوز وسدة نفس عن كل حاجة ،والغريب إننا لما بنفرح بردوا بنعيط .. يعنى سبحان الله أمال هنضحك إمتى ؟؟
وإمتى بقى الفرحة هتسعنا .. ونبطل نقول "أصل الفرحة مش سيعانى " ،وإمتى بقى لو سعتنا الفرحة ممكن كدة نحب نزنق حد جنبنا ؟!! يعنى منفكرش إنه لو فرحت أنا وفلانه فرحتى مش هتكمل .. لا .. دنا لازم أفرح لوحدى ..
مش هستناها تانى .. ولا هفرش لها الأرض ورد .. لإنى ببساطة أكتشفت
إن الفرحة متستاهلنيش
ساعات بنمر بالحالة دي كتير
ردحذفبس لازم نكون متفائلين أكتر من كدا يا زهرتي ياحبيبتي ..
الحياة يوم حلو ويوم مر
لو رضينا باليوم المر هنقدر نستمتع باليوم الحلو دا أكيد :)
الحمدلله علي كل شئ .. :)
ايه ده يا زهره هل أنا سمحت لك تنشري حالتي النفسية الآن ؟!!
ردحذف:)
فعلا يا بنتي والله كلنا بنمر بكده كتيررررررررر او بالادق طول الوقت كده
:)
ربنا يهدي الحال يا خال ^ـ^
حالة عادية بنمر بيها كلنا
ردحذفتعرفى انا لما بضحك بعمل زى الناس القدام واقول خير اللهم اجعله خير
بكلمك جد والله
عندما تغيب الفرحة عن من نحبهم
ردحذففانها تغيب عنا ايضا...
مدونتك رائعه يا زهره و كلامك بيلمس المشاعر أنا مدونه جديده يا ريت تزوريني
ردحذفكل شيء بأوان :)
ردحذفالفرح له موعده .. سيأتي دون أن يخلفه .
فلاتقلقي يا حبيبتي
تفائلي بالخير ,,, هتشوفي كل اللي بيحصل معاكي بيتغير
ردحذفقال الصادق عليه السلام : إنّ العبد إذا كثرت ذنوبه ولم يجد ما يكفّرها به ، ابتلاه الله عزّ وجلّ بالحزن في الدنيا ليكفّرها به ، فإن فعل ذلك به وإلاّ فعذّبه في قبره ، ليلقاه الله عزّ وجلّ يوم يلقاه وليس شيء يشهد عليه بشيء من ذنوبه
وقال برضو عليه السلام : إذا أراد الله عزّ وجلّ بعبد خيراً فأذنب ذنباً تبعه بنقمة ، ويذكّره الاستغفار ، وإذا أراد الله عزّ وجلّ بعبدٍ شرّاً فأذنب ذنباً ، تبعه بنعمة ليُنسيه الاستغفار ويتمادى به ، وهو قول الله عزّ وجلّ : {سنستدرجهم من حيث لا يعلمون} بالنِعَم عند المعاصي
ريمو
ردحذفالحمد لله طبعاً على كل حاجة
عندك حق
نورتينى يا حبيبتى :)
سحر
ردحذفيارب :(
نورتينى يا سحور :)
نهى
ردحذفمش إنتى بس اللى بتقولى كدة ..كلنا تقريباً قدام
نورتينى :)
سارة
ردحذفيا حبيبتى .. ربنا يسعدك دايماً ويفرح قلبك وما تغيب فرحتك أبداً
وبعدين متقلقيش .. بقيت كويسة
نورتينى يافرعة :)
شيرين
ردحذفربنا يخليكى ياجميل .. زرت مدونتك وعجبنى شعرك .. ربنا يوفقك .. ومبسوطة انى هتابعك يا حبيبتى
نورتينى :)
شيمو
ردحذفييجى براحتة .. بس أنا مش هستنى
ربنا يفرح قلبك
نورتينى :)
قطرة وفا
ردحذفربنا يجازيكى كل خير
ويفرح قلبك
نورتينى :)