شوف اللى بيحصل!!

كلمة منى

السكوت لا يضر فالأفواه المقفلة لا يدخلها التراب! (أنيس منصور) ولكننى إخترت التعامل مع التراب .. نورت بيتى الصغير ^_^

مع أو ضد .. ما تقولوا لى ليه ؟!!

ردوا عليا يا موحدين .. انا غلبت .. وقربت اتجنن من التفكير .. هبل

من يومين كدة كنت بشوف حلقه وائل الابراشى اللى كان مستضيف فيها واحدة كدة غريبه
الأطوار الكاتبه السعوديه نادين البدير هوبااااا .. والست نادين أم سحلول بكتب مقالات بتندد بشدة

هيئة الأمر بالمعروف والنهى عن المنكر فى المملكه .. أصلهم مش عاجبنها اياااااه سو
سوفاج مش في المود خالص .. أصلهم وحشين وقاسيين وبيزعقوا للى كاشفة شعرها ..

اوووووووووووه ماى جاد

.. لا ملهمش حق والله .. ازاى يعملوا كدة .. ازاى يكسروا برستيجك .. او يخضوكى

ويقولوا لك غطى راسك يا حرمه ..



انا هتنقط والله .. يعنى بالذمه مش عاجبينك ؟؟ .. لا مش عاجباني


هى قالت فيهم سلبيات لو هى حقيقيه بنفس حده وصفها ليها .. انا اقولها ياستى معلش
عندك حق فى انهم يتغيروا كأفراد .. لكن كهيئه تتشال خالص ؟!! مخاصماكي

حضرتها بتقول كدة بالظبط :


ممكن يضربوا اى ست او بنت فى الشارع أو فى اى مكان لمجرد انها منفذتش اوامرهم او

ردت عليهم وناقشتهم اتضربت


ممكن يضربوا اى راجل مش مربى دقنوا " او مطول شعره " مش عارفه الحقيقه على
اساس انه العادى فى الراجل يبقى بقصه وديل حصان ايوه طبعا


كان فيه حريقه فى مكان ما فى مدرسه بنات .. عمرهم بين 13 و15 سنة .. ومنعوا
عربيات الاطفاء انها تدخل تطفى الحريق ومنعوا البوابات انها تتفتح للطالبات علشان
تخرج لسبب بسيط ان الطالبات مكنوش لابسين العبايات والطرح !! .. وماتت 15 بنت
علشان كدة ..

معظم أفراد الرقابه فى الهيئه دى خريجين سجون أو تجار مخدرات وناس غير اسوياء
بالمرة .. مستغربة


.. دة كلامها اللى قالته والاسباب اللى قدمتها تخليها مش موافقه على وجود الهيئه
دى .. انا قلت فى عقل بالى .. والله البت مغلطتش ام العريف دة على كدة صعبين اوى .. هى أكيد

عايزاهم يغيروا الاسلوب دة .. وكمان يبقوا ناس من مستوى عالى ومثقفين يعرفوا

يتعاملوا مع البشر وفعلاً يأمورا بالمعروف ويمنعوا أى منكر .. 100 100



طلع لااااااااااااااا وألف لاااااااااااا


هى عايزاها تتلغى خالص لانها عايشه فى مجتمع حر .. ومش متخلفه ؟!! سعيدة قوي



ايه الرغى الكتير دة .. انا بؤى وجعنى ..

هتقولوا طيب وبعدين .. هقولكم أهون متزقوش بس

هى بقى جايه تتكلم هنا ليه ومال وائل الابراشى وبرنامجه بالسعوديه واللى بيحصل هناك

.. هو احنا كنا حلينا مشاكلنا لما هنشوف مشاكل غيرنا ؟؟
لالالالالا مهى بقت عندنا بردوا توأم المشكله دى ... يا سلام



كان فيه اقتراح انه يكون فيه هيئه زيها تمام فى مصر للأمر بالمعروف والنهى عن

المنكر.. وبعد عرض الفكرة كان رد الفعل كدا بالظبط :


دار الإفتاء رفضت طبعاً .. " رنبا ما يحرمنا من تفكيرهم الهايل " 100 100

الشعب ا لمصرى قال ايه .. رافض .. قال ايه بردوا .. لاننا دوله مدنيه .. وهنرجع لنفس
السؤال الغبى اللى بيقول " وايه دخل الدين بالسياسه ؟؟ " ام العريف


عرفتى منين ان الشعب المصرى رافض ؟؟

اخدوا رأى الناس فى الشارع .. وسبحان الله يا بنات فى نفس الشارع وادام نفس الاماكن
كل الاشخاص قالوا لاااااااااااااااااااااااااااا " صدفه طبعا " ممممممم باغيظك

مفيش ولا واحد يوحد ربنا فى وسط العالم اللى استضافوها دى كلها قال ايوه انا موافق ..
أو مثلاً تردد او فكر او اتناقش .. دة كل اللى طلع قال لاااا من اول فسوة " حلوة فسوة دى "


أختكم بقى .. كانت قاعدة قدام التليفزيون بتتنطط .. اعمل ايه طيب


ليييييييييييييييييييييييييييييييييه يرفضوا؟ .. ليه عايزين نفضل كدة ؟؟


مسلميبببببببببببببببببن ومبنصليش ولا بنفتكر الصلاه .. علشان انا فى شغلى وفاتح محل ولا حاجة ..
مش فاضى اصلى .. يبقى ميجراش حاجة بقى لو جابوا لنا حد يفكرنا .. انا موافقه

مسلميييييييييييييين وبنعاكس بنات فى الشارع بأسوأ الالفاظ وتحرش ومقابلات ومناظر
مقززة .. مش عارفين نحترم نفسنا .. ومالوا لما يجيبوا لنا حد يلمنا .. انا موافقه

مسلماااااااااات وماشيين بالشعور والميكب واللبس الملزق والممقق " الا يعنى ايه
ممقق ؟ " وشكلنا أعوذ بالله .. هو دة الاستايل ؟؟ .. مادام مش عارفين نستر نفسنا صح
.. نجيب حد يعلمنا .. أنا موافقه

وغيرها وغيرها .. مش هقدر أحصر كل الاسباب اللى تخلينى أوافق جداً ..


هتقولولى احنا دوله فيها مسلمين ومسيحين .. هقول على عينى وراسى والله كل
المسيحين .. تحياتي

ليهم كنايسهم ونظام حياتهم نحترمه ..

نطبق بقى نظام طوارىء دينى .. يعنى ايه طوارىء دينى ؟؟ لا ادري


يعنى بدل ما كنا بنتاخد تحرى علشان ماشيين من غير بطاقه علشان امن وسلامة الدوله
والارهاب والهبل دة .. يبقى كل واحد ماشى ببطاقته علشان نشوف الديانه .. والله البطاقه
خانه الديانه مسيحى .. خلاص اتفضل بس بردوا بحدود .. ونظام حياتك لو هيخالف أو هيعمل فتة يبقى استغنى عنه فى الشارع بس .. وبيتك مملكتك انت حر ..

مسلم ومخالف حدود الأدب اللى بقت أصلاً مش موجودة فى شوراعنا ..لالالالالا .. تتلم

بقى وتتعلم الأدب .. اطلعي لي بره



قولوا لى بقى .. انتوا مع ولا ضد ؟؟ وايه اسبابكم فى الحالتين .. فهمونى يمكن انا مش

فاهمه ؟ ؟ ..



مقتنعه بمبدأ واحد بصرف النظر عن أسلوب تنفيذه .. إننا نبطل نبقى شبه الدول الأجنبيه .. لإننا ببساطه دوله دينيه بحته .. شوف دة فى الجوامع فى رمضان او وقت صلا ه جمعه ، شوف دة فى الكنايس أو فى الأعياد .. هتقدر تحكم وقتها .. محتاجين منهج دينى ولا لاء ؟



و اسيبكم بقى تقولوا اللى فى نفسكم ... ورد جميل



سلاموووووووووووو عليكوووووو

هناك تعليقان (٢):

  1. لو الناس ح تعمل كل حاجة خوف من العصا يبقى فين اصلاح المجتمع؟ ماهي البلد كلها ناس محجبة وبدقون وحالنا برضة ماتعيرشي بل على العكس حالنا اتنيل...الايمان يجي من جوة الواحد...ممكن واحد شكله مودرن اوووي وع الموضة بس ايمانه خير من واحد بجلابية افغانستاني......تفتكري ربنا ح يقبل صلاة ناس بتصلي غصب عنها؟

    ردحذف
  2. السؤال الأهم مين اللى هيطبقوه وإيه صلاحياتهم ومين أداهم الحق فى أنهم يتعاملوا مع الناس وياترى هيتعاملوا إزاى ولو تعدوا حدودهم هيتعاقبوا من مين ولا هما أكبر من إنهم يتعاقبوا
    وياترى هما نفسهم ما بيغلطوش وكل وظيفتهم هتكون تصيد أخطاء الناس !!!

    احنا محتاجين شرطة تمنع التحرش
    ومحتاجين أب يربى بناته علشان ماتنزلش بلبس خارج
    ومحتاجين ايمان داخلى علشان الناس تصلى

    مش محتاجين وصاية من حد

    ردحذف

قول حاجة يلا