تأجيل الإمتحان .. كان قرار رخم جداً ..وليه يأجلوها أصلاً ؟؟ ما كنا زى دلوقت بنمتحن وعلى نص الشهر بنخلص وبنبقى تبع قائمة العاطلين عن العمل ،لكن السنة دى الإمتحان يوم 12/6 وهنفضل لآخر الشهر تبع قائمة المقهورين فى الأرض .الحمد لله على كل حال ،وأدينا بنزاكر ونركز ونقول يارب روق الدكتور وهو بيصحح ورقتى ..يارب إجعلنى من الحبة بتوع التقديرات العالية .. آه الحبة ،أصل من رأيى إن الورق بيكون كووومة ،والكووومة بتتقسم بالبركة ،بتتقسم لتلت أو أربع حبات ،كل حبة على جنب ،وكل جنب بياخد تقدير موحد ،وإنت وحبتك بقى..
بس سبحان الله دايماً المادة اللى أخرج منها على أساس إنى هجيب إمتياز جداً .. بجيب مبلول ، والمادة اللى بخرج منها كاتبة كل اللى إتعلمتة من أول "زرع وحصد" لحد آخر محاضرة وبيكون الحل على طريقة كله على الله ..بجيب تقدير كويس جداً "وطبعاً دة مش أساس".
لكن بعد التمحيص والتنكيش والتفتيش إكتشفت إن النجاح بيكون بتلات طرق : إشترى الكتب "إكتب إسمك فى الليست" ،صفى نيتك ،دعا الوالدين وكل مين يعرفك ..
يبقى إدعواااا لى .. يجعل ورقتى فى كومة الحظ ... وبس.
ربنا معاكي ياحبيبتي وان شاء الله من الناجحين
ردحذفانا امتحاني بكرة بئة
عاااااااااااااااا
ربنا يستر ويجعلني من كومة الجيدين :D :D
ههههههههههههههه
ردحذفهتمتحني معايا يعني وتخلصي معايا..احسسسسسسسسسسسسن عشان محسش اني لوحدي المقورة ف الارض ^_^
ربنا يوفقنا جميعا ياااارب ويوقع ورقتي في ايد واحد احول يديني الدرجة النهائية..
ومعيد يكون مزاجه عالي ويحطك ف كومة التقديرات
ريمو ..
ردحذفبجد .. ربنا معاكى والله
وربنا ياختى يجعلك من كومة الناجحين ..
إبقى طمنينى عملتى ايه ..
*_^
رضوى السكر :)
ردحذفياااااه على الإنسان ؟؟
بقى تقولى أحسن
إهىء إهىء
مااااااااااااااااااااشى .. هبقى مقهورة معاكى يا حبيبتى ولا تزعلى ..
وربنا يروق لك بال المدرس ..
ويهدى لى الدكتور ^_*
وإبقى طمنينى على إمتحاناتك