إمبارح اللى خلص دة .. كان عيد ميلادى ..إحتفلت بيه فى اللجنة بتاعة أول يوم إمتحانات .. والحمد لله ربنا نصفنى وفرحنى وحليت كويس ،وهى دى هديتى على الصبح كدة ،السنة اللى فاتت كان عندى كلام كتير وكان إحساس اليوم دة مختلف تماماً من أوله لآخره ،لإنة كان أجمل وعمرى فى حياتى ما هنساه .. مهما عشت وكبرت ،كان إحتفال صغنن بس فرحت فيه من قلبى..
السنة اللى فاتت قلت "السنة دى هكون أنا "
بس السنة دى معنديش حاجة أقولها ..غير إنه بتمنى من ربنا دايماً يهدينى لطاعته ويهدينى لنفسى ..ويملأ قلبى بحبه وأفضل أحب كل الناس فيه .. ويكتب لى الخير ويرضينى بيه .. ويكرمنى دايماً بإنى أحترم نفسى كمسلمة وأحترم حريتى كبنت وأحترم أى حد كإنسانة ..
وأنا جية قلت أجيب شيكولاتة حبيبتى أتسلى فيها بينما انا بكتب البوست .. والبوست خلص والشيكولاتة بح ^_*
كل سنة وانتي طيبة وبخير ياحبيبتي
ردحذفومعلش اعذريني بجد علي تقصيري معاكي
الامتحانات بوظت صحتي :D :D
يارب دايما مبسوطة وسعيدة
ومن طاعة لطاعة يارب :)
وإنتى طيبة يا حبيبتى ..ربنا يجازيكى كل خير
ردحذفوبعدين الإمتحانات ملخبطانا كلنا .. كلنا لها
نورتينى
كل سنة وانتي طيبة وبخير وصحة وسعادة يا زهرة
ردحذفربنا معاكي ومع كل اللي بيمتحنوا
وإنتى طيبة يا حبيبتى
ردحذفربنا يوفقنا جميعاً
نورتينى